පෙරොක්සයිඩ් පරීක්ෂණය
හයිඩ්‍රජන් පෙරොක්සයිඩ් තනිව ම වියෝජනය වී ජලය සහ ඔක්සිජන් සාදයි — එහෙත් ඉතා සෙමින්. එයට උත්ප්‍රේරකයක් එකතු කළ විට කුමක් වේ ද?
ක්‍රියාකාරකම 17.4
අවශ්‍ය ද්‍රව්‍ය: පරීක්ෂා නළ දෙකක්, අලුත් හයිඩ්‍රජන් පෙරොක්සයිඩ් (H2O2) ද්‍රාවණයක්, මැංගනීස් ඩයොක්සයිඩ් (MnO2) 0.2 g.
- පරීක්ෂා නළ දෙකකට අලුත් හයිඩ්‍රජන් පෙරොක්සයිඩ් ද්‍රාවණය සමාන පරිමාවක් බැගින් දමන්න.
- ඉන් එක් නළයකට, නිවැරදිව ස්කන්ධය කිරාගත් මැංගනීස් ඩයොක්සයිඩ් 0.2 g ක් පමණ දමන්න.
- නළ දෙකෙන් වායු බුබුළු පිටවීමේ වේගය නිරීක්ෂණය කරන්න.
- ප්‍රතික්‍රියාව අවසානයේ MnO2 දැමූ ද්‍රාවණය පෙරා ලැබෙන අවශේෂය වියළා නැවත එහි ස්කන්ධය මැන බලන්න.
හයිඩ්‍රජන් පෙරොක්සයිඩ් → ජලය + ඔක්සිජන්
2H2O2(aq) → 2H2O(l) + O2(g)
නිරීක්ෂණය
මැංගනීස් ඩයොක්සයිඩ් සහිත පරීක්ෂා නළයේ වායු බුබුළු පිටවීමේ ශීඝ්‍රතාව වැඩි ය. මෙම ප්‍රතික්‍රියාවේ ශීඝ්‍රතාව වැඩි කිරීමට මැංගනීස් ඩයොක්සයිඩ් හේතු වී ඇත.
එහෙත් නිර්වචනයේ දෙවන කොටස තවමත් ඔප්පු වී නැත. ඒ සඳහා අවසාන පියවර — අවශේෂය කිරා බැලීම — අවශ්‍ය ය.