සෛල වර්ධනය
ජීවීන්ගේ මූලික ලක්ෂණයක් ලෙස වර්ධනය සැලකිය හැකි ය. එය සෛලයක් තුළ දී අර්ථ දක්වන්නේ කෙසේ ද යන්න මෙතැනින් පටන් ගනී.
රූපයක් එක් කළ යුතුය
සෛල වර්ධනය (Cell growth)
සෛල වර්ධනය යනු සෛලයක ප්‍රමාණය හෝ වියළි බර (ස්කන්ධය) අප්‍රතිවර්ත්‍ය ලෙස වැඩි වීමයි.
"අප්‍රතිවර්ත්‍ය" යන්නෙන් කියැවෙන දේ
ජලය උරාගත් ස්පොන්ජියක් ද විශාල වේ; එහෙත් එය වියළුණු විට නැවත පෙර ප්‍රමාණයට පැමිණේ. එය වර්ධනයක් නොවේ. සෛලයක් වර්ධනය වූ පසු එය නැවත පෙර තිබූ තැනට නොපැමිණේ — වර්ධනයේ නිර්වචනයට වියළි බර ඇතුළත් වන්නේ ද එබැවිනි.
වර්ධනයට සීමාවක් ඇත
තනි සෛලයකට වර්ධනය විය හැකි උපරිම සීමාවක් තිබේ. ඉන් ඔබ්බට සෛල වර්ධනය සිදු නොවන අතර, වර්ධනය වූ සෛල ඉන්පසු විභාජනය වේ.
බහු සෛලික ජීවියෙකු වර්ධනය වන්නේ මෙසේ ය
සෛලයකට සදාකාලික ව විශාල විය නොහැකි බැවින්, ජීවියෙකු විශාල වන්නේ සෛල විශාල වීමෙන් නොව සෛල ගණන වැඩි වීමෙනි. එබැවින් වර්ධනය හා විභාජනය එකට යන කරුණු දෙකකි.