වේගයෙන් හා සෙමින් සිදු වන ප්‍රතික්‍රියා
අප වටා සිදු වන බොහෝ විපර්යාස සඳහා රසායනික ප්‍රතික්‍රියා දායකත්වයක් සපයයි. ඔබ අද දින ම නොදැනුවත්ව ම ඒවායින් කිහිපයක් දැක ඇත.
රසායනික ප්‍රතික්‍රියා ආශ්‍රිත විපර්යාස කිහිපයක්
- යකඩ මල බැඳීම
- පලතුරු ඉදීම
- ආහාර ජීරණය වීම
- කිරිවලින් යෝගට් නිපදවීම
- දර දැවීම
- සින්ක් කැබැල්ලක් තනුක අම්ලයක් සමග ප්‍රතික්‍රියා කිරීම
- සෝඩියම් ලෝහය ජලය සමග ප්‍රතික්‍රියා කිරීම
- පෙට්‍රල් වාෂ්ප ගිනි ගැනීම
- රතිඤ්ඤා කරලක් පිපිරීම
සියල්ලට පොදු දෙය, සහ පොදු නොවන දෙය
මේ නවයේ ම එක් දෙයක් පොදු ය: සෑම එකක් දී ම ප්‍රතික්‍රියක වැය වී නව ඵල හට ගනී. එනම් සෑම එකක් ම රසායනික විපර්යාසයකි.
එහෙත් ඒවා එකිනෙකට වෙනස් වන එක් දෙයක් ද ඇත. රතිඤ්ඤා කරලක් පිපිරීමට ගත වන්නේ තත්පරයකට ද අඩු කාලයකි. යකඩ ඇණයක් මල බැඳී විනාශ වීමට අවුරුදු ගණනක් ගත වේ. ප්‍රතික්‍රියා දෙකක් ම එකම ආකාරයේ විපර්යාස වුව ද, ඒවා සිදු වන වේගය එකිනෙකට බොහෝ දුරින් වෙනස් ය.
මේ පරිච්ඡේදයේ ප්‍රශ්නය
රසායනික ප්‍රතික්‍රියාවක් කෙතරම් වේගයෙන් සිදු වේ ද, එය මනින්නේ කෙසේ ද, සහ එම වේගය වෙනස් කරන්නේ කුමක් ද යන්න යි.