මුල්, පත්‍ර, මොටියන් සහ ධාවක

මුල මත අංකුර හටගෙන පසෙන් උඩට මතු වී නව අංකුර බවට පත් වේ.

නිදසුන් — කරපිංචා, රටදෙල්, බෙලි, පේර, නිල් මානෙල්.

තමන්ට ම කුඩා මුල් සහිත කුඩා පැළ පත්‍රය මත ම — බොහෝ විට දාරයේ කැපුම් අසල — හටගෙන, ගිලිහී ගොස් පසේ මුල් අදියි.

නිදසුන් — අක්කපාන, බිගෝනියා, කඩුපුල්.

පස තුළ ගිලුනු කඳේ පාදිය පෙදෙසින් හරස් අතට හටගන්නා කුඩා පැළ මොටියන් ලෙස හැඳින්වේ. ඒවා මව් ශාකය අසලින් ම මතු වී එයට ළං ව ම පවතී.

නිදසුන් — ගොයම්, කෙසෙල්, අන්නාසි, කපුරු, හුලංකීරිය, කලාදුරු.

පොළොවට සමාන්තරව හා පොළොවට සම්බන්ධව (ආගන්තුක මුල් මගින්) පස මතුපිට ගමන් කරන ශාක කඳන් ධාවක ලෙස හැඳින්වේ. පුරුකක් බිම ස්පර්ශ කර මුල් අදින සෑම තැනක ම නව ශාකයක් ආරම්භ වේ.

නිදසුන් — ගොටුකොළ, බතල, මහා රාවණා රැවුල.