යුගලය දැකීම
ක්‍රියා-ප්‍රතික්‍රියා යුගලයක් ඇසින් දැකිය හැකි අවස්ථා දෙකක් සලකමු.
බැලූනයෙන් වාතය පිට වීම
රූපයක් එක් කළ යුතුය
වාතය පිරවූ බැලූනයක කට පහළට හරවා ගෙන අතින් අල්ලා ගෙන සිටින්න. දැන් කට බුරුල් කර අත හරින්න. බැලූනය වේගයෙන් ඉහළ ගොස් පසුව බිමට වැටෙනු දැකිය හැකි ය.
| යොදන්නේ | යෙදෙන්නේ | |
|---|---|---|
| ක්‍රියාව | බැලූනයේ රබර් බිත්ති | වාත අණු මත — පහළට |
| ප්‍රතික්‍රියාව | පිටවන වාත අණු | බැලූනය මත — ඉහළට |
බැලූනය ඉහළ යන්නේ එය තල්ලු කරන කිසිවක් නොමැති ව නොවේ — පිටවන වාතය ම එය තල්ලු කරයි.
කම්බියක් මතට යොදා බලන්න
වාතය පිරවූ බැලූනයක් සෙලෝටේප් කැබලි ආධාරයෙන් බීම බටයකට සම්බන්ධ කර, බටය තුළින් කම්බියක් රිංගවා කම්බිය තිරස් ව රඳවන්න. දැන් බැලූනයේ කට බුරුල් කරන්න.
වාතය පිට වී යන දිශාවට විරුද්ධ අතට බැලූනය කම්බිය දිගේ ගමන් කරනු දැකිය හැකි ය.
ළමුන් දෙදෙනෙක්
රූපයක් එක් කළ යුතුය
වීදුරු බෝල කිහිපයක් මත ලෑලි කැබලි දෙකක් තබා, ඒවා මත දෙදෙනෙකු වාඩි කරවන්න. දැන් අත්ලට අත්ල තබා එකිනෙකා තල්ලු කර ගත්හොත් දෙදෙනා ම ප්‍රතිවිරුද්ධ දිශාවට තල්ලු වී යනු ඇත.
එක් අයෙක් පමණක් තල්ලු කළත්
එක් ළමයෙක් පමණක් තල්ලු කළත් දෙදෙනා ම චලනය වේ. තල්ලු කරන අයට ද එම බලයෙන් ම ආපසු තල්ලුවක් ලැබෙන බැවිනි — එය ම තුන්වන නියමය ය.