ආවර්තයක් දිගේ
ඕනෑ ම ආවර්තයක් ගෙන අයනීකරණ ශක්ති අගයන් වමේ සිට දකුණට කියවන්න. වහාම කරුණු දෙකක් මතු වේ.
සෑම ආවර්තයක ම කෙළවර දෙක
ආවර්තයක ඇති අඩු ම ප්‍රථම අයනීකරණ ශක්තිය ඇත්තේ I කාණ්ඩයේ මූලද්‍රව්‍යයටයි.
උපරිම අගය ඇත්තේ VIII කාණ්ඩයේ මූලද්‍රව්‍යයටයි.
3 ආවර්තයේ එය පරීක්ෂා කරන්න. I කාණ්ඩයේ සෝඩියම් 495 කි; VIII කාණ්ඩයේ ආගන් 1521 කි — එම පේළියේ විශාල ම අගයයි. 2 ආවර්තයේ ද එසේ ම ය: එක් කෙළවරක ලිතියම් 519, අනෙක් කෙළවරේ නියෝන් 2080.
එම කෙළවර දෙක අතර, වමේ සිට දකුණට යන විට අගය ක්‍රමානුකූල රටාවකට විචලනය වේ.
රූපයක් එක් කළ යුතුය
පැවරුම
ප්‍රස්තාර කොළයක් භාවිත කර, පෙර පිටුවේ ඇති පළමුවන අයනීකරණ ශක්ති අගයන් පරමාණුක ක්‍රමාංකයට එදිරිව ප්‍රස්තාරගත කරන්න. ආවර්තයක් දිගේ වමේ සිට දකුණට හා කාණ්ඩයක් දිගේ ඉහළ සිට පහළට ප්‍රථම අයනීකරණ ශක්තිය විචලනය වන ආකාරය ප්‍රස්තාරය ඇසුරෙන් විස්තර කරන්න.