සංසේචනය හා අධිරෝපණය
සංසර්ගයේ දී යෝනි මාර්ගය වෙත ශුක්‍ර තරලය මුදා හරී.
- එහි ඇති විශාල සංඛ්‍යාවකින් යුත් ශුක්‍රාණු සෛල තරලයෙහි පිහිනමින් ගර්භාෂය ඔස්සේ පැලෝපීය නාළයේ ඉහළ කොටස වෙත ගමන් කරයි.
- ඉන්පසු එක් ශුක්‍රාණුවක් පැලෝපීය නාළය ඔස්සේ ගර්භාෂය දෙසට එන ඩිම්බය සමග එකතු වේ.
- මෙහිදී ඩිම්බ සෛලයේ හා ශුක්‍රාණු සෛලයේ න්‍යෂ්ටික ද්‍රව්‍ය එකතු වීම සිදුවේ. එය සංසේචනය ලෙස හැඳින්වේ.
රූපයක් එක් කළ යුතුය
යුක්තාණුවේ සිට අධිරෝපණය දක්වා
සංසේචිත ඩිම්බය යුක්තාණුව ලෙස හැඳින්වේ. එය පැලෝපීය නාළය ඔස්සේ ගර්භාෂය වෙත ගමන් කරන අතර විභේදනය වී සෛල සංඛ්‍යාව වැඩි කර ගනී. ඉන්පසු එය මොරුලාව ලෙස හැඳින්වේ.
මොරුලාව ගර්භාෂ බිත්ති පටක විඛාදනය කරමින් ගිලී එහි තැන්පත් වේ. මෙය අධිරෝපණය ලෙස හැඳින්වේ.
රූපයක් එක් කළ යුතුය
එක් එක් සිදුවීම සිදු වන තැන
සංසේචනය සිදු වන්නේ පැලෝපීය නාළයේ ය, ගර්භාෂයේ නොවේ. පළමු සතිය ගත වන්නේ ගමනේ ය — ගර්භාෂයට ළඟා වන විට කලලය දැනටමත් සෛල 16 ක් හෝ ඊට වැඩි ය. අධිරෝපණය එම ගමනේ ආරම්භය නොව අවසානය යි.