ධාරාව පාලනය කිරීම
ප්‍රතිරෝධය මෙතෙක් සන්නායකයකට අහම්බෙන් ඇති දෙයක් විය. මෙතැන් සිට එය ඔබට අවශ්‍ය ධාරාව ලබා ගැනීම සඳහා ඔබ තෝරා ගන්නා දෙයක් බවට පත් වේ.
රූපයක් එක් කළ යුතුය
නළයක් තුළින් ගලන ජල ධාරාවක් පාලනය කිරීම සඳහා ජල කරාමයක් යෙදිය හැකි ය. කරාමය කරන්නේ ජල පහරට බාධාවක් ඇති කිරීම යි, එසේ බාධා කිරීමෙන් ජල ධාරාව පාලනය කර ගනු ලැබේ.
ධාරාවක් සමඟ එක ම උපක්‍රමය
සන්නායකයක් තුළින් ගලන විදුලි ධාරාව ද හරියට ම එලෙස ම පාලනය කර ගත හැකි අතර, කළ යුත්තේ කුමක් දැයි ඔබ දැනටමත් දනී. පරිපථයක ප්‍රතිරෝධය වැඩි කිරීමෙන් ඒ තුළින් ගලන ධාරාව අඩු කළ හැකි ය — ඕම් නියමය ඊට හේතුව කියයි.
V = I R
V නියත අගයක තබා ගෙන R වැඩි කළහොත් I අඩු වේ.
රූපයක් එක් කළ යුතුය
ප්‍රතිරෝධක
පරිපථයක ප්‍රතිරෝධය වැඩි කර ගැනීම සඳහා ඊට සම්බන්ධ කිරීමට, විවිධ ප්‍රතිරෝධී අගයන්ගෙන් යුතු ව නිපදවා ඇති උපාංග ප්‍රතිරෝධක ලෙස හැඳින්වේ.
ප්‍රතිරෝධකයක් යනු හිතාමතා ඇති කළ බාධාවකි
පරිපථයක සෑම කම්බියකට ම යම් ප්‍රතිරෝධයක් ඇති අතර, බොහෝ විට එය කරදරයකි. ප්‍රතිරෝධකයක් යනු හිතාමතා එහි තැබූ ප්‍රතිරෝධයකි, පරිපථයට අවශ්‍ය හරියට ම ධාරාව ලබා දෙන අගයක් තෝරාගෙන ඇත.