ගොනෝරියා සහ සිපිලිස්
බැක්ටීරියා රෝග දෙක. නිසි ඖෂධීය ප්‍රතිකාරවලින් දෙක ම සුව කළ හැකි අතර, එම ප්‍රතිකාර නොලැබුණහොත් දෙක ම බරපතළ හානි කරයි.
1. ගොනෝරියා (සුදු බිංදුම)
Neisseria gonorrhoeae නැමැති බැක්ටීරියාව මගින් රෝගය බෝ කරයි.
රෝග ලක්ෂණ
- ලිංගේන්ද්‍රිය ආශ්‍රිතව ස්‍රාවයන් පිටවීම;
- අධික දැවිල්ල;
- මුත්‍රා අඩස්සිය.
ඖෂධීය ප්‍රතිකාර ඇත. නිසි ප්‍රතිකාර නොකිරීමෙන් අන්ධවීම, කොරවීම වැනි තත්ත්ව ඇති වේ.
2. සිපිලිස් (උපදංශය)
Treponema pallidum නැමැති බැක්ටීරියාව මගින් රෝගය බෝ කරයි.
රෝගය ගමන් කරන ආකාරය
- රෝග කාරක දේහ ගත වී මාස තුනකට පසු ලිංගේන්ද්‍රියේ වේදනා රහිත බිබිලි ඇති වේ. මේවා ඉබේ ම සුව වේ.
- මාස හයකට පමණ පසු උණ හා උගුරේ වේදනාව ඇති වේ. පසුව ඉබේ ම සුව වේ.
මුල් අවධියේ දී රෝගය හඳුනාගෙන නිසි ඖෂධීය ප්‍රතිකාර කිරීමෙන් රෝගය සුව කළ හැකි ය.
රෝගකාරකයට අවුරුදු කිහිපයක් රුධිරයේ අක්‍රීය ලෙස ජීවත් විය හැකි ය. එම කාලය තුළ රුධිරය ඔස්සේ ශරීරයේ අනෙකුත් අවයවවලට රෝගය ව්‍යාප්ත විය හැකි ය.
රෝග ලක්ෂණ නැති වීම සුවවීමක් නොවේ
සිපිලිස් අනතුරුදායක වන්නේ හරියට ම එය සුව වූවා සේ පෙනෙන නිසා ය. බිබිලි සුව වේ, උණ පහ වේ, පුද්ගලයා නිරෝගී සේ පෙනේ — එහෙත් බැක්ටීරියාව තව ම රුධිරයේ ය, තව ම ශරීරය පුරා පැතිරෙමින් ය, තව ම බෝ විය හැකි ය. එය අවසන් කරන්නේ ප්‍රතිකාර පමණි.