පිස්කේස් — ජලයට හැඩගැසුණු
ජලයේ ජීවත් වීමට හොඳින් අනුවර්තනය වී ඇති මත්ස්‍යයින් අයත් වන කාණ්ඩය යි. මොවුහු කරදිය හා මිරිදිය ජලජ පරිසරවල වාසය කරති.
රූපයක් එක් කළ යුතුය
- අස්ථිමය හෝ කාටිලේජමය අභ්‍යන්තර සැකිල්ලක් දරයි.
- ජලයේ ගමන් කිරීමට පහසු වන ලෙස දේහය අනාකූල (තර්කුරූපී) හැඩැති වේ.
- දේහය කොරපොතුවලින් ආවරණය වී ඇත.
- පිහිනීම සඳහාත් සංතුලනය සඳහාත් වරල් දරයි.
- ජලයේ කම්පන හඳුනාගත හැකි අංශ රේඛා පද්ධතියක් ඇත.
- හෘදය කුටීර දෙකකි. තනි කර්ණිකාවක් හා කෝෂිකාවක් ඇත.
- ශ්වසනය ජලක්ලෝම (කරමල්) මගින් සිදු කරයි.
- චලතාපී සතුන් ය — පරිසර උෂ්ණත්වය අනුව දේහ උෂ්ණත්වය වෙනස් වේ.
- ඇසිපිය නොමැති ඇස් ඇත.
මත්ස්‍ය වර්ග දෙකක්
අභ්‍යන්තර සැකිල්ල සෑදී ඇති ආකාරය පදනම් කරගෙන මත්ස්‍යයින් වර්ග දෙකකට වෙන් කරයි.
| කොන්ඩ්‍රික්තියේස් | ඔස්ටෙයික්තියේස් |
|---|---|
| අභ්‍යන්තර සැකිල්ල කාටිලේජ වේ. | අභ්‍යන්තර සැකිල්ල අස්ථීමය වේ. |
| කරදියේ පමණක් ජීවත් වේ. | කරදිය මිරිදිය දෙකෙහිම ජීවත් වේ. |
| මත්ස්‍යයින් අතරින් 10% පමණ වේ. | මත්ස්‍යයින් අතරින් 90% පමණ වේ. |
| ජලක්ලෝම පැලුම් පිධානයකින් ආවරණය වී නැත. | ජලක්ලෝම පැලුම් පිධාන යුගලකින් ආවරණය වී ඇත. |
| මුඛය දේහයේ පූර්ව උදරීයව පිහිටයි. | මුඛය දේහයේ පූර්ව කෙළවර පිහිටයි. |
| නිදසුන් — මෝරා, මඩුවා | නිදසුන් — තෝරා, තිලාපියා, මුහුදු අශ්වයා |
රූපයක් එක් කළ යුතුය