එක් සෛලයක සිට බොහෝ සෛල දක්වා
බහු සෛලික (multicellular) ජීවියෙකුගේ ආරම්භය ද තනි සෛලයකි.
ශුක්‍රාණුවක් හා ඩිම්බයක් සංසේචනය වීමෙන් යුක්තාණුවක් හට ගනී. එය එක් සෛලයකි. එම සෛලය නැවත නැවත විභාජනය වීමෙන් සෛල දහස් ගණනක් සෑදෙන අතර, ඒවා විවිධ කෘත්‍ය සඳහා විශේෂණය වේ. එනම් බහු සෛලික ජීවියෙකු ද ඒක සෛලික අවස්ථාවකින් ම ආරම්භ වේ.
ඩිම්බය + ශුක්‍රාණුව
→
යුක්තාණුව
→
සෛල විභාජනය
→
බහු සෛලික ජීවියා
රූපයක් එක් කළ යුතුය
වැදගත් වන්නේ ගණන නොවේ
යුක්තාණුවෙන් සෑදෙන සෛල සියල්ල එක ම යුක්තාණුවෙන් පැවත එන නිසා ඒවා එකිනෙකට ජානමය ව සමාන ය. එහෙත් ඒවා එක ම දේ නොකරයි. සමහරක් ස්නායු සෛල බවට ද, සමහරක් පේශි සෛල බවට ද පත් වේ — මේ විශේෂණය වීම මගින් තමයි එක් සෛලයකට කළ නොහැකි දේ බහු සෛලික ජීවියෙකුට කළ හැකි වන්නේ.
ඊළඟ පිටුවේ දී එම විවිධ සෛල වර්ග මොනවා ද යන්න ශාකයක් හා මිනිසෙකු තුළ බලමු.