සැවොම එක ම දිශාවට
මාළු දැල් ඇදීමේ දී වැඩි පිරිසක් එයට සහභාගි වී එකම දිශාවට ඇදීමෙන් එම කාර්යය පහසුවෙන් කළ හැකි ය.
රූපයක් එක් කළ යුතුය
මෙහි දී සෑමදෙනා ම යොදන බල එක ම දිශාවට ක්‍රියාකරන බැවින් සාර්ථක ව මාළු දැල් ඇදීම කරගත හැකි ය. මෙහි දී බල සියල්ල යෙදෙන්නේ ඒක රේඛීය ව, එක ම දිශාවට ය.
"ඒක රේඛීය" යනු කුමක් ද?
දැල ඇදෙන කඹය එක් සරල රේඛාවකි. සියලු දෙනා අල්ලාගෙන සිටින්නේ ඒ එක ම කඹය යි, එබැවින් සියලු දෙනාගේ බලවලට ඇත්තේ එක ම ක්‍රියා රේඛාවකි. පිරිස කොපමණ දිග පෙළකට සිටියත් මෙය වෙනස් නොවේ — වැදගත් වන්නේ ඔවුන් සිටින තැන නොව, ඔවුන් අදින රේඛාව ය.
එකට ඇදීම ඇයි වැදගත් ද?
එක් අයෙකුට දැල ඇදිය නොහැක්කේ ඔහුට බලයක් නැති නිසා නොව, ඔහුගේ බලය ප්‍රමාණවත් නොවන නිසා ය. දහදෙනෙක් එකට ඇදෙන විට ඒ බල දහය ම එකතු වී එකක් ලෙස ක්‍රියා කරයි.
දැන් අපි එක ම දිශාවට ක්‍රියා කරන ඒක රේඛීය බල දෙකක සම්ප්‍රයුක්තය සොයන ආකාරය විමසා බලමු — මිනිසුන් වෙනුවට තුලා දෙකකින්.