එක් ලක්ෂ්‍යයක දී හමු වන රේඛා
එකිනෙකට ආනත බල තුනක් යටතේ වස්තුවක් සමතුලිත වීමට සපුරාලිය යුතු කරුණු තුනක් ඇත.
(i) බල තුන ඒකතල විය යුතු ය
සමාන්තර බල සඳහා මෙන් ම, තුන ම එක ම තලයක පිහිටිය යුතු ය.
(ii) ක්‍රියා රේඛා එක ම ලක්ෂ්‍යයක දී හමු විය යුතු ය
මෙය අලුත් කොන්දේසියයි. සමාන්තර බලවල ක්‍රියා රේඛා කිසි විටෙක හමු නොවන බැවින් එහි දී මෙය අදාළ නොවීය.
(iii) බල දෙකක සම්ප්‍රයුක්තය තුන්වන බලයට සමාන විය යුතු ය
විශාලත්වයෙන් සමාන හා දිශාවෙන් ප්‍රතිවිරුද්ධ විය යුතු ය.
සමාන්තර අවස්ථාවට සැසඳීම
| කොන්දේසිය | සමාන්තර බල තුනක් | සමාන්තර නොවන බල තුනක් |
|---|---|---|
| ඒකතල විය යුතු ය | ඔව් | ඔව් |
| එක් ලක්ෂ්‍යයක දී හමු විය යුතු ය | අදාළ නොවේ | ඔව් |
| දෙකක සම්ප්‍රයුක්තය = තුන්වැන්න | ඔව් | ඔව් |
සමාන්තර නොවන බල තුනක් යටතේ සමතුලිතතාව
එකිනෙකට ආනත බල තුනක් යටතේ වස්තුවක් සමතුලිත වීමට බල තුන ඒකතල විය යුතු ය, ඒවායේ ක්‍රියා රේඛා එක ම ලක්ෂ්‍යයක දී හමු විය යුතු ය, සහ බල දෙකක සම්ප්‍රයුක්තය තුන් වන බලයට සමාන හා ප්‍රතිවිරුද්ධ විය යුතු ය.