ගුරුත්ව කේන්ද්‍රය
පෙර ක්‍රියාකාරකමේ දී රේඛා තුන හමු වූ ලක්ෂ්‍යයට නමක් ඇත: ගුරුත්ව කේන්ද්‍රය.
ගුරුත්ව කේන්ද්‍රය
ගුරුත්ව කේන්ද්‍රය යනු යම් වස්තුවක මුළු බර ම ක්‍රියා කරන්නේ යැයි සැලකිය හැකි තනි ලක්ෂ්‍යයයි.
බර ක්‍රියා කරන්නේ ගුරුත්ව කේන්ද්‍රය හරහා ය
එබැවින් ආස්තරයේ බර W ක්‍රියා කරන්නේ එහි ගුරුත්ව කේන්ද්‍රය හරහා යන සිරස් රේඛාව දිගේ ය. වස්තුවක් කොතරම් විශාල වුවත්, එහි බර සලකන විට එය එක් ලක්ෂ්‍යයක එල්ලා ඇති එක් බලයක් ලෙස ගත හැකි ය.
එල්ලූ විට ඇයි එය නිශ්චල වන්නේ?
ආස්තරය එක් ලක්ෂ්‍යයකින් එල්ලූ විට එය නිශ්චල වන්නේ එල්ලූ ලක්ෂ්‍යය ද ගුරුත්ව කේන්ද්‍රය ද එක ම සිරස් රේඛාවක පිහිටන විට ය. එසේ නොවන්නේ නම් බර හා ආතතිය එක ම රේඛාවේ නොපිහිටන අතර — 12.2 කොටසේ තුන් වන කොන්දේසිය සිහිපත් කරන්න — වස්තුව කැරකෙයි.
ක්‍රියාකාරකම ක්‍රියා කරන්නේ ඒ නිසා ය
එල්ලූ සෑම අවස්ථාවක දී ම තන්තුව හරහා යන සිරස් රේඛාව ගුරුත්ව කේන්ද්‍රය හරහා යා යුතු ය. එබැවින් එවැනි රේඛා දෙකක් සලකුණු කිරීමෙන් ම ගුරුත්ව කේන්ද්‍රය සොයාගත හැකි ය; තුන් වැන්න පරීක්ෂාවකි.