හයිඩ්‍රජන් නිපදවීම
හයිඩ්‍රජන් නිපදවීමට අවශ්‍ය වන්නේ අප 16.3 කොටසේ දී හමු වූ ලෝහ සහ තනුක අම්ල ප්‍රතික්‍රියාව ම ය.
ප්‍රතික්‍රියාව
විද්‍යාගාරයේ දී සින්ක් (Zn) හෝ මැග්නීසියම් (Mg) වැනි ලෝහයක් තනුක හයිඩ්‍රොක්ලෝරික් (HCl) හෝ තනුක සල්ෆියුරික් (H2SO4) වැනි අම්ලයක් සමඟ ප්‍රතික්‍රියා කරවීමෙන් හයිඩ්‍රජන් (H2) වායුව නිපදවා ගත හැකි ය.
Zn + 2HCl → ZnCl2 + H2
රූපයක් එක් කළ යුතුය
ජලයේ යටිකුරු විස්ථාපන ක්‍රමය
රූපයේ දැක්වෙන ආකාරයට වායු සරාවක් ජලයෙන් පුරවා යටිකුරුව තබා, එයට වායුව ගෙන යයි. මෙම වායු එක් රැස් කිරීමේ ක්‍රමය හඳුන්වන්නේ ජලයේ යටිකුරු විස්ථාපන ක්‍රමය ලෙස ය.
නම එසේ වන්නේ ඇයි?
වායු සරාව තුළට වායුව ඇතුළු වන විට එහි ඇති ජලය පහළට තල්ලු ව ඉවත් වන බැවිනි.
මෙය ක්‍රියා කරන්නේ ඇයි?
හයිඩ්‍රජන් ජලයේ සුළු වශයෙන් පමණක් දිය වන බැවිනි. ජලයේ හොඳින් දිය වන වායුවක් නම් මේ ක්‍රමයෙන් එකතු කළ නොහැකි ය.