ලෝහාලෝහ — සිලිකන් හා බෝරෝන්
පියගැට පෙළ රේඛාව අවට පිහිටි මූලද්‍රව්‍යවලට ලෝහ හා අලෝහවලට අතරමැදි ගුණ ඇත. ඉන් දෙකක් හොඳින් දැනගැනීම වටී.
සිලිකන් (Silicon, Si)
ඔක්සිජන් හැරුණු විට පෘථිවි කබොලෙහි වැඩි වශයෙන් ම දක්නට ඇති මූලද්‍රව්‍යය සිලිකන් ය.
රූපයක් එක් කළ යුතුය
- සිලිකන් සංයෝග ස්වභාවයේ ස්ඵටිකරූපී මෙන් ම අස්ඵටිකරූපී ආකාර ලෙස ද පවතී.
- තිරුවාන හා වැලි, එමරල්ඩ් වැනි මැණික් වර්ග ස්ඵටිකරූපී සිලිකන් සංයෝග වේ. මැටි සිලිකන් අඩංගු සංයෝගයකි.
- සිලිකන්වල ද්‍රවාංකය 1410 °C වේ.
භාවිත
- ට්‍රාන්සිස්ටර සහ ඩයෝඩ සෑදීමට.
- සූර්ය කෝෂ සෑදීමට.
- පරිගණක උපාංග සෑදීමට.
බෝරෝන් (Boron, B)
සංශුද්ධ බෝරෝන් කළු පැහැති ස්ඵටිකරූපී ඝන මූලද්‍රව්‍යයක් ලෙස පවතී.
රූපයක් එක් කළ යුතුය
- එහි ඝනත්වය 3300 kg m−3 වන අතර ද්‍රවාංකය 2200 °C වේ.
- ප්‍රතික්‍රියාශීලී බව සාපේක්ෂ ව අඩු ය. එබැවින් වාතය තුළ දී ඉහළ උෂ්ණත්වවලට රත් කළ ද ප්‍රතික්‍රියා නොකරයි.
- අස්ඵටිකරූපී බෝරෝන් ඉතා ඉහළ උෂ්ණත්වවල දී ඔක්සිජන්, නයිට්‍රජන්, නයිට්‍රික් අම්ලය, සාන්ද්‍ර සල්ෆියුරික් අම්ලය, කාබන්, සල්ෆර් වැනි ද්‍රව්‍ය සමඟ ප්‍රතික්‍රියා කර අනුරූප සංයෝග සාදයි.
භාවිත
- ලෝහ පෑස්සීමේ දී.
- චර්ම ආලේපන සෑදීමට.
- ඉහළ උෂ්ණත්වවලට රත් කළ හැකි වීදුරු වර්ග නිෂ්පාදනයට.