රථ ඔසවනය
මෝටර් රථ නඩත්තු කරන ස්ථාන සහ සේවා ස්ථානවල රථ වාහන එසැවීමට යොදා ගන්නා ඔසවනය (hoist) ද පීඩන සම්ප්‍රේෂණය භාවිතයට ගෙන සෑදූ උපකරණයකි.
රූපයක් එක් කළ යුතුය
ක්‍රියා කරන අනුපිළිවෙළ
- කුඩා පිස්ටනයට විශාලත්වයෙන් අඩු බලයක් යොදනු ලැබේ.
- එයින් තෙල් මත පීඩනයක් හට ගනී.
- එම පීඩනය තෙල් මගින් විශාල පිස්ටනය වෙත සම්ප්‍රේෂණය වේ.
- විශාල පිස්ටනයේ වර්ගඵලය විශාල බැවින්, එය මත රථයේ බරට සමාන බලයක් ලැබේ.
- එමගින් රථය ඉහළට එසැවේ.
බලය ලාභයට තිබෙන මිල
රූපයේ දැක්වෙන පරිදි, කුඩා පිස්ටනය චලනය වන දුර විශාල පිස්ටනය චලනය වන දුරට වඩා බොහෝ වැඩි ය. ද්‍රවය සම්පීඩනයට භාජන නොවන බැවින්, කුඩා පිස්ටනය තල්ලු කරන විට ඉවත් වන ද්‍රව පරිමාව ම විශාල පිස්ටනය යටට යා යුතු ය.
නොමිලේ දෙයක් නැත
විශාල පිස්ටනයෙන් ලැබෙන බලය කී ගුණයකින් වැඩි ද, එය චලනය වන දුර ද ඒ ගුණයෙන් ම අඩු ය. ඔසවනයෙන් ලැබෙන්නේ බලයේ ලාභයක් මිස ශක්තියේ ලාභයක් නොවේ.
එබැවින් රථයක් ඔසවා ගැනීමට කුඩා පිස්ටනය කිහිප වරක් ම පහත් කිරීමට සිදු වේ.