රෙප්ටීලියා — වියළි සම, වියළි බිම
භෞමික (ගොඩබිම) පරිසරයට ඉතා හොඳින් අනුවර්තනය වූ උරගයින් අයත් වනුයේ මෙම වර්ගයට ය. මොවුහු භෞමික, මිරිදිය හා කරදිය යන පරිසරවල වාසය කරති.
රූපයක් එක් කළ යුතුය
- ග්‍රන්ථීවලින් තොර වියළි සමක් දරයි. සම කොරල සහිත ය.
- සංචරණය සඳහා පංචාංගුලික ගාත්‍රා පිහිටයි.
- කර්ණිකා දෙකක් හා අසම්පූර්ණ ලෙස බෙදුනු කෝෂිකාවක් සහිත හෘදයක් ඇත.
- ශ්වසනය පෙනහලු මගින් සිදු කරයි.
- චලතාපී සතුන් ය.
- අභ්‍යන්තර සංසේචනය සිදු කරයි.
වියළි සම නිදහස ගෙන දුන්නේ ය
උභයජීවියෙකුට තෙත් සමක් අවශ්‍ය ය; උරගයෙකුට නැත. ග්‍රන්ථීවලින් තොර කොරල සහිත සම ජලය නැති වීම වළක්වයි, සහ අභ්‍යන්තර සංසේචනය නිසා ප්‍රජනනයට ද ජලය අවශ්‍ය නොවේ. ඒ දෙකෙන් ම උරගයන් ගොඩබිමට සම්පූර්ණයෙන් නිදහස් විය.
| උභයජීවීන් | උරගයින් | |
|---|---|---|
| සම | තුනී, තෙත්, ග්‍රන්ථී සහිත | වියළි, කොරල සහිත, ග්‍රන්ථී රහිත |
| හෘද කුටීර | 3 | 3 (කෝෂිකාව අසම්පූර්ණ ලෙස බෙදී ඇත) |
| සංසේචනය | ජලය අවශ්‍ය ය | අභ්‍යන්තර |