පෙනෙන දේ අනුව වර්ග කිරීම
ක්‍රි.පූ. 4 වන සියවසේ දී පමණ ඇරිස්ටෝටල් විසින් ජීවීන් පිළිබඳ විද්‍යාත්මක වර්ගීකරණයක් මුල් වරට හඳුන්වා දෙන ලදී. ජීවීන් වර්ගීකරණය කරන ප්‍රධාන ආකාර දෙකකි — කෘත්‍රිම සහ ස්වාභාවික.
කෘත්‍රිම වර්ගීකරණය
ජීවීන්ගේ බාහිර ලක්ෂණ, වාසස්ථාන වැනි දේ සලකා බලන අතර ජීවීන්ගේ පරිණාමික බන්ධුතා එමගින් නිරූපණය නොවේ.
නිදසුන් දෙකක්
විසිතුරු ශාක, ඖෂධීය ශාක හා විෂ සහිත ශාක ලෙස වර්ග කිරීම.
පියාපත් සහිත සතුන් සහ පියාපත් රහිත සතුන් ලෙස වර්ග කිරීම.
දුර්වලතාව පෙනෙන තැන
"පියාපත් සහිත සතුන්" යන නිර්ණායකය යටතේ පක්ෂීන් සහ කෘමීන් වර්ග දෙක ම ඇතුළත් වේ. නමුත් පක්ෂීන් හා කෘමීන් පරිණාමිකව බොහෝසෙයින් එකිනෙකට වෙනස් ජීවී වර්ග දෙකකි.
පියාපතක් පියාපතකට සමාන නොවේ
කුරුල්ලෙකුගේ පියාපත සැදී ඇත්තේ අස්ථි හා පිහාටුවලිනි; සමනලයෙකුගේ පියාපත සැදී ඇත්තේ සිහින් පටලයකිනි. ඒ දෙක එක ම නමින් හඳුන්වන්නේ කරන කාර්යය එක ම නිසා මිස ඒවා එක ම දෙයක් නිසා නොවේ.
කෘත්‍රිම වර්ගීකරණයක බොහෝ දුර්වලතා ඇත. ඊළඟ පිටුවේ ඇත්තේ ඒවා මඟ හරින ක්‍රමය යි.