රිකිලි බද්ධය

ශාක රිකිල්ලක් අනුජය ලෙස තෝරාගෙන ග්‍රාහකයකට සම්බන්ධ කිරීම රිකිලි බද්ධය ලෙස හැඳින්වේ.

එය සිදුකරන ආකාරය පහත දැක්වේ:

• ඵල දරන ශාකයකින් රිකිල්ලක් තෝරා ගැනීම. (දැනට දළු, මල් හෝ ඵල නොදරන රිකිල්ලක් වඩාත් යෝග්‍ය වේ.)
• කැපුම් ස්ථානය තුවාල නොවන පරිදි රිකිල්ල කපා වෙන් කර ගැනීම.
• කැම්බියම ස්පර්ශ වන පරිදි රිකිල්ල ග්‍රාහකයට සම්බන්ධ කිරීම.
• එම ස්ථානය පොලිතීන් පටිවලින් පහළ සිට ඉහළට වෙළීම.
• රිකිල්ල වර්ධනය වන බව නිරීක්ෂණය වූ විට වෙළුම ලිහා ඉවත් කිරීම.

ග්‍රාහකයේ සහ අනුජයේ කෙළවරවල් කපා ගන්නා හැඩය අනුව රිකිලි බද්ධය ක්‍රම කිහිපයකට සිදු කරයි.

නිදසුන් — ආරුක්කු බද්ධය, කුෂ්ඨ බද්ධය.

ශාක බද්ධ කිරීම මගින් පහත සඳහන් වාසි අත් කර ගත හැකි ය:

• අනුජයට හිමි ලක්ෂණ සහිත දුහිතෘ ශාක ලබාගැනීමට හැකි වීම;
• ශක්තිමත් මූල පද්ධතියක් සහිත රෝගවලට ප්‍රතිරෝධී ශාක ලබාගත හැකි වීම;
• බීජ නිපදවීම හොඳින් සිදු නොවන ශාක බෝ කරගත හැකි වීම.

අවාසි

• ආයු කාලය කෙටි වීම;
• සියලු ම ශාකවලට බද්ධ කිරීම කළ නොහැකි වීම;
• දැවමය වටිනාකම අඩු වීම;
• කන්නයක දී ලැබෙන සාපේක්ෂ ඵලදාව අඩු වීම.