ඇනෙලිඩා — සබණ්ඩ පණුවන්
සීලෝමය නැමති දේහ කුහරය මුලින් ම විකසනය වූ සත්ත්ව වංශය යි. සබණ්ඩ පණුවන් වන ගැඩවිලා, කූඩැල්ලා සහ පත්තෑපණුවා (Nereis) වැනි සතුන් මෙයට අයත් වේ.
රූපයක් එක් කළ යුතුය
- තෙතමනය සහිත ගොඩබිම, කරදිය හා මිරිදිය පරිසරවල වාසය කරයි.
- බහුසෛලික දේහය සෛල ස්තර තුනකින් ගොඩනැගී ඇති නිසා ත්‍රිප්‍රස්තරයින් ලෙස හැඳින්වේ.
- සිහින් දිග පණු ආකාර දේහ දරයි. දේහය බාහිරව ද අභ්‍යන්තරව ද සමාන ඛණ්ඩවලට බෙදී ඇති නිසා සබණ්ඩ පණුවන් ලෙස හැඳින්වේ.
- දේහය ද්විපාර්ශවික සමමිතියක් දක්වයි.
- දේහය තුළ ශරීර බිත්තිය හා අන්ත්‍රය අතර තරලයක් සහිත කුහරයක් පවතී. එය සීලෝමය (coelome) නම් වේ. මේ මගින් දේහ චලනවලදී ආහාර මාර්ගයට බලපෑමක් ඇති වීම වලක්වයි.
- සමහර සතුන් අලිංගික ප්‍රජනනය ද සමහර සතුන් ලිංගික ප්‍රජනනය ද සිදු කරයි.
රූපයක් එක් කළ යුතුය
සීලෝමය ඇයි වැදගත් වන්නේ?
ශරීර බිත්තිය හා අන්ත්‍රය අතර තරල කුහරයක් තිබීමෙන් සතා චලනය වන විට ආහාර මාර්ගය පොඩි නොවේ. එනම් පණුවෙකුට එකවර ම හාරමින් හා ආහාර දිරවමින් සිටිය හැකි ය.