මොලුස්කා — මෘදු දේහ සහ කවච
මෘදු දේහ දරන ත්‍රිප්‍රස්තරික සතුන් අයත් වන වංශය යි. ගොලුබෙල්ලා, දෙපියන් බෙල්ලා, අටපියල්ලා, හංගොල්ලා, දැල්ලා සහ බූවල්ලා වැනි සතුන් මෙයට අයත් වේ.
රූපයක් එක් කළ යුතුය
- භෞමික, මිරිදිය හා කරදිය පරිසරවල වාසය කරයි.
- බහුසෛලිකය. ත්‍රිප්‍රස්තරය. මෘදු දේහ දරයි. මේ නිසා මෘදුවංශීන් ලෙස හැඳින්වේ.
- හිස, පේශිමය පාදය සහ අන්තරංග ගොනුව ලෙස දේහය ප්‍රධාන කොටස් තුනකින් යුක්තය. දේහය ඛණ්ඩවලට බෙදී නැත.
- ශ්ලේෂ්මලයෙන් තෙත් වූ දේහාවරණයක් දරයි.
- ඇතැමෙක් කැල්සියම් කාබනේට් (CaCO3) වලින් සෑදුන බාහිර හෝ අභ්‍යන්තර කවච දරති. එය ප්‍රාවරණය මගින් ස්‍රාවය කරයි.
- දේහය ද්වි පාර්ශවික සමමිතියක් දක්වයි.
- ලිංගික ප්‍රජනනය සිදු කරයි. සාමාන්‍යයෙන් ඒක ලිංගික සතුන් වේ.
රූපයක් එක් කළ යුතුය
ඛණ්ඩනය නොවීම වැදගත් ය
ඇනෙලිඩාවෝ හා මොලුස්කාවෝ දෙපිරිස ම ත්‍රිප්‍රස්තරික, ද්විපාර්ශවික සමමිතික, මෘදු සතුන් ය. ඒ දෙක වෙන් කරන පහසු ම කරුණ නම් ඛණ්ඩනය ය: ඇනෙලිඩාවකුගේ දේහය සමාන ඛණ්ඩවලට බෙදී ඇත, මොලුස්කාවකුගේ නැත.