සාමාන්‍ය නම් ප්‍රමාණවත් නොවන්නේ ඇයි
සෑම භාෂාවකම වචන යොදා යමක් නම් කිරීම සිදු කෙරේ. ජීවීන් හැඳින්වීමට ද විවිධ නාම යොදා ගැනේ. එහෙත් එම නම් භාෂාව අනුව, රට අනුව, ප්‍රදේශය අනුව වෙනස් වේ.
ගැටලුව
එක ම සතාට හෝ ශාකයට තැනින් තැන වෙනස් නම් තිබේ. එසේ ම වෙනස් සතුන් දෙදෙනෙකුට එක ම නම තිබිය හැකි ය. එවිට විද්‍යාඥයන් දෙදෙනෙකුට තමන් කථා කරන්නේ එක ම ජීවියා ගැන ද යන්න තහවුරු කර ගත නොහැක.
දෙවන ගැටලුව
තවද ජීවීන් අතර ඇති බන්ධුතා එමගින් ඉස්මතු නොවේ. "නයා" සහ "පිඹුරා" යන නම් දෙකෙන් ඒ දෙදෙනා එක ම කාණ්ඩයකට අයත් බව කිසිවක් නොකියයි.
එබැවින් අලුත් ක්‍රමයක් අවශ්‍ය විය
මෙම තත්ත්වය මඟ හැර උචිත පොදු නමකින් ජීවීන් හැඳින්වීම සඳහා විද්‍යාඥයෝ උත්සාහ දැරූහ. ඊළඟ පිටුවේ ඇත්තේ ඔවුන් එළඹි විසඳුමයි.