ජීවීන් තුළ ජලය
කොමඩු ගෙඩියක්, ජෙලිෆිෂ් කෙනෙක් හෝ ඔබ ම ගත්තත් — ජීවී සිරුරක ඇති වැඩි ම ද්‍රව්‍යය ජලය යි. ජලයේ කාබන් නොමැති බැවින් එය කාබනික නොව අකාබනික සංයෝගයකි.
කොපමණ ප්‍රමාණයක් ද?
බොහෝ ජීවීන්ගේ සිරුරු බරින් තුනෙන් දෙකක් (2/3) පමණ ම ජලය යි. ඔබේ බර කිලෝග්‍රෑම් 45ක් නම්, ඉන් කිලෝග්‍රෑම් 30ක් පමණ ජලය බව සිතන්න!
ජීවයේ මූලාරම්භය
පෘථිවියේ ප්‍රථම ජීවීන් හට ගත්තේ ද ජලය තුළ ය. අද දක්වා ම, ජලය නොමැති ව සජීව පදාර්ථයට පැවතිය නොහැකි ය. ඒ අනුව ජලය ජීවය සඳහා අත්‍යවශ්‍ය මාධ්‍යයකි.
සරල ජල අණුවක ගුණ
ජල අණුවක ඇත්තේ හයිඩ්‍රජන් පරමාණු දෙකක් හා ඔක්සිජන් පරමාණුවක් පමණි (H2O). එතරම් සරල අණුවක් වුව ද, ජීවයට ඉතා ප්‍රයෝජනවත් වන විශේෂ ගුණ කිහිපයක් එයට ඇත. ඉදිරි පිටු දෙකේ දී මේ එක් එක් ගුණය විස්තරාත්මක ව සලකා බලමු.
විවිධ ද්‍රව්‍ය දිය කරන විශිෂ්ට ද්‍රාවකයකි
ද්‍රව්‍ය එක් තැනක සිට තවත් තැනකට රැගෙන යන පරිවහන මාධ්‍යයකි
ජලජ ජීවීන්ට ශ්වසනය සඳහා මාධ්‍යයකි
විශිෂ්ට තාප ධාරිතාව ඉතා ඉහළ ය
අයිස්වල ඝනත්වය ද්‍රව ජලයේ ඝනත්වයට වඩා අඩු ය