ජෛව එක්රැස් වීම
ආහාර දාමයක පෝෂී මට්ටමෙන් පෝෂී මට්ටමට විෂ සහිත රසායනික දූෂක සාන්ද්‍ර වීම ජෛව එක්රැස් වීම ලෙස හැඳින්වේ.
රූපයක් එක් කළ යුතුය
අමතර දැනුමට
ඩයික්ලෝරෝ ඩයිෆීනයිල් ට්‍රයික්ලෝරෝඑතේන් (DDT), පොලික්ලෝරිනීකෘත බයිෆීනයිල් (PCB) හා රසදිය, කොපර් වැනි බැර ලෝහ මෙසේ ජීවී දේහ තුළ එක්රැස් වේ.
ජෛව එක්රැස්වන ද්‍රව්‍යවල ලක්ෂණ:
- දිගු කලක් නොනැසී පැවතීම
- ජීවී දේහයෙන් දේහයට ගමන් කළ හැකි වීම
- මේදයේ දිය වන ද්‍රව්‍ය වීම
- ජෛව රසායනික ලෙස සක්‍රිය ද්‍රව්‍ය වීම
ආහාර දාමවල පහළ පෝෂී මට්ටම්වලට අංශුමාත්‍ර වශයෙන් ඇතුළු වුව ද ඉහළ පෝෂී මට්ටම්වලට යන විට මෙම ද්‍රව්‍යවල සාන්ද්‍රණය ඉහළ යයි.
දාමයේ ඉහළ මට්ටම වැඩිපුරම පීඩා විඳින්නේ ඇයි
ශක්ති පිරමීඩය සිහිපත් කරන්න: සෑම පියවරකදී ම 90% අහිමි වන බැවින් ප්‍රමාණවත් ශක්තියක් ලබා ගැනීමට විලෝපිකයෙකුට ගොදුරු විශාල ප්‍රමාණයක් කෑමට සිදු වේ. සෑම ගොදුරු සතෙක් ම මේදයේ දිය වන විෂ ස්වල්පයක් ගෙන යන අතර විලෝපිකයාට එය බිඳ හෙළීමට හෝ බැහැර කිරීමට නොහැකි බැවින් එය සියල්ල තබා ගෙන තමන්ගේ ම මේදයට එකතු කරයි. මත්ස්‍යයෙක් ප්ලවාංග දහස් ගණනක් ද කුරුල්ලෙක් මසුන් සිය ගණනක් ද කන අතර විෂ සෑම පියවරකදී ම සාන්ද්‍ර වේ — 15.30 රූපයේ ජලයේ සිට සීල් දක්වා අසූ මිලියන ගුණයකින්. DDT උකුස්සන්ගේ හා රාජාලීන්ගේ බිත්තර කටු තුනී කළේ මෙලෙසිනි. මිනිසුන් ද බොහෝ ආහාර දාමවල ඉහළින් සිටිති.
විෂ දාමය දිගේ ඉහළට සාන්ද්‍ර වේ
DDT, PCB හා රසදිය වැනි දිගු කල් පවත්නා, මේදයේ දිය වන විෂ සෑම ඉහළ පෝෂී මට්ටමකදී ම වඩාත් සාන්ද්‍ර වේ.