හෘදය
හෘදය උරස් කුහරයේ පෙනහැලි දෙක අතර පිහිටි මිට මොළවන ප්‍රමාණයේ පේශිමය පොම්පයකි. එහි කුටීර හතරක් ඇත: ඉහළින් කර්ණිකා දෙකක් සහ පහළින් කෝෂිකා දෙකක්.
6.4 ක්‍රියාකාරකම — හෘදයක් කපා නිරීක්ෂණය
එළුවකුගේ හෝ ගවයකුගේ හෘදයක් ලබා ගන්න. එහි ඉහළ ඇති විශාල නාල හඳුනාගෙන, එය කපා කුටීර, ඒවායේ බිත්තිවල ඝනකම හා කපාට නිරීක්ෂණය කරන්න.
රූපයක් එක් කළ යුතුය
| කුටීරය | රුධිරය ලබන්නේ | රුධිරය යවන්නේ |
|---|---|---|
| දකුණු කර්ණිකාව | දේහයෙන්, මහා ශිරා ඔස්සේ | දකුණු කෝෂිකාවට |
| දකුණු කෝෂිකාව | දකුණු කර්ණිකාවෙන් | පෙනහැලිවලට, පුප්ඵුසීය ධමනිය ඔස්සේ |
| වම් කර්ණිකාව | පෙනහැලිවලින්, පුප්ඵුසීය ශිරා ඔස්සේ | වම් කෝෂිකාවට |
| වම් කෝෂිකාව | වම් කර්ණිකාවෙන් | මුළු දේහයට, මහා ධමනිය ඔස්සේ |
වම් කෝෂිකාවේ බිත්තිය ඝනකම ම වන්නේ එය මුළු දේහය පුරා රුධිරය පොම්ප කරන බැවිනි. කපාට මගින් හෘදය තුළ රුධිරය එක් දිශාවකට පමණක් ගලා යාමට සලස්වයි.