ජීවී දේහ නිර්මාණය වීමට අවශ්‍ය ප්‍රධාන මූලද්‍රව්‍ය හතරකි.
ජීවී සිරුරුවල දක්නට ඇති මූලද්‍රව්‍ය 25 සමාන ප්‍රමාණවලින් ජීවින් තුළ අන්තර්ගත වී නැත. ගොඩනැගිල්ලක ගඩොල්, සිමෙන්ති, වැලි සහ ජලය වැඩිපුර ම තිබෙන්නාක් මෙන්, ජීවී සිරුරේ ද වැඩි කොටසක් තැනී ඇත්තේ මූලද්‍රව්‍ය හතරකිනි:
C
කාබන්H
හයිඩ්‍රජන්O
ඔක්සිජන්N
නයිට්රජන්සෑම ජෛව අණුවකට ම පදනම වන්නේ මෙම මූලද්‍රව්‍ය යි.
ජීවීන්ගේ පැවැත්ම සඳහා අත්‍යවශ්‍ය අනෙකුත් මූලද්‍රව්‍ය
ඉහත මූලද්‍රව්‍ය හතරට අමතර ව තවත් මූලද්‍රව්‍ය කිහිපයක් ජීවීන්ට අවශ්‍ය වේ. සිරුරට ඒවා අවශ්‍ය වන්නේ ඉතා කුඩා ප්‍රමාණවලින් වුව ද, කිසිවක් වෙනත් එකකින් ආදේශ කළ නොහැක. ඉන් එකක් හෝ නැති වුවහොත් ජීවියාට නිරෝගී ව පැවතිය නොහැක.
- සල්ෆර් (S) සහ පොස්පරස් (P)
- සෝඩියම් (Na) සහ පොටෑසියම් (K)
- කැල්සියම් (Ca) සහ මැග්නීසියම් (Mg)
- අයන් (Fe) සහ ක්ලෝරීන් (Cl)
