ජලයේ තැබූ වස්තු තුනක්
ආකිමිඩීස් මූලධර්මය අතේ තිබිය දී, දැන් අපට තුන් ආකාරයකට හැසිරෙන වස්තු තුනක් සැසඳිය හැකි ය.
රූපයක් එක් කළ යුතුය
A — කොටසක් ගිලී පාවේ
වස්තුවේ කොටසක් ජල පෘෂ්ඨයට ඉහළින් පවතී. ලෑලි කැබෙල්ලක් හෝ නැවක් මෙසේ පාවේ.
B — සම්පූර්ණයෙන් ගිලී පාවේ
වස්තුව මුළුමනින් ම ජලය යටින් ඇත, එහෙත් පතුලට බැස නැත. එය ජලය තුළ එල්ලී ඇති සේ පවතී.
C — ගිලේ
වස්තුව ජලයේ ගිලී භාජනයේ පතුලේ නැවතී ඇත. ගල් කැටයක් මෙසේ හැසිරෙයි.
වෙනසට හේතුව කුමක් ද?
වස්තු තුන ම එකිනෙකට වෙනස් ද්‍රව්‍යවලින් සාදා ඇත. ඒ සෑම එකක් මත ම බර පහළට ක්‍රියා කරන අතර උඩුකුරු තෙරපුම ඉහළට ක්‍රියා කරයි. එබැවින් හැසිරීම තීරණය විය හැක්කේ ඒ දෙක අතර සැසඳුමෙන් පමණි.
ඊළඟ පියවර
මේ තුන් ආකාරයේ දී ම බර සහ උඩුකුරු තෙරපුම මැන, ඒ දෙක සසඳා බැලිය යුතු ය. ඊළඟ පිටුවේ ක්‍රියාකාරකම 15.5 කරන්නේ හරියට ම එය ය.
එම සැසඳුමෙන් ලැබෙන කොන්දේසි තුනෙන්, ඕනෑ ම වස්තුවක් ඕනෑ ම තරලයක පාවේ ද ගිලේ ද යන්න කල් තියා ම කිව හැකි වනු ඇත.