නාමය ලියන ආකාරය
විද්‍යාත්මක නාමයක් ලියන ආකාරය ද සම්මතයන්ට යටත් ය. නමක් නිවැරදි වීමට එහි අකුරු නිවැරදි වීම පමණක් ප්‍රමාණවත් නොවේ.
| සම්මතය | විස්තරය |
|---|---|
| භාෂාව | ජීව විද්‍යාත්මක නාමය ග්‍රීක හෝ ලතින් භාෂාවෙන් යොදයි. |
| අකුරු | ඉංග්‍රීසි (රෝමන්) අක්ෂරවලින් ලියා දක්වයි. |
| කැපිටල් අකුර | ගණ නාමයේ මුල් අකුර කැපිටල් ය; අනෙක් අකුරු සියල්ල සිම්පල් ය. |
| අත් අකුරින් | පද දෙකට යටින් ඉරක් (underline) ඇඳිය යුතු ය. |
| මුද්‍රණය කරන විට | ඇල අකුරින් (italics) මුද්‍රණය කළ යුතු ය. |
නිවැරදි ද වැරදි ද?
Mangifera indica — නිවැරදි ය
Mangifera Indica — සුළු නාමය කැපිටල් නොවිය යුතු ය
mangifera indica — ගණ නාමය කැපිටල් විය යුතු ය
Mangifera indica — ඇල අකුරින් නොවේ
පළමු අකුර පමණි
ගණ නාමයේ මුල් අකුර පමණක් කැපිටල් ය. නාමයේ අනෙක් සියලු අකුරු — සුළු නාමයේ මුල් අකුර ඇතුළු ව — සිම්පල් ය.