බලය දෛශිකයකි
බලයක් යෙදීමෙන් ලැබෙන ඵලය, එම බලයේ දිශාව අනුව වෙනස් වේ.
රූපයක් එක් කළ යුතුය
ගොනෙකු විසින් අදිනු ලබන බර පටවූ කරත්තයක් සලකන්න.
| බලය යොදන දිශාව | කරත්තයට සිදු වන දේ |
|---|---|
| චලනය වන දිශාවට | ප්‍රවේගය වැඩි වේ |
| චලනය වන දිශාවට විරුද්ධ අතට | ප්‍රවේගය අඩු වේ |
බලයේ විශාලත්වය එක ම වුව ද, දිශාව අනුව ප්‍රතිඵලය හාත්පසින් වෙනස් ය.
බලය දෛශික රාශියකි
බලයට විශාලත්වයක් මෙන් ම දිශාවක් ද ඇත. එබැවින් එය දෛශික රාශියකි — විස්ථාපනය, ප්‍රවේගය සහ ත්වරණය මෙන් ම.
එනිසා ම "10 N ක බලයක්" යනු අර්ධ විස්තරයකි. "10 N ක බලයක් නැගෙනහිරට" යනු සම්පූර්ණ විස්තරයයි.
ක්‍රියා රේඛාව
යම් ලක්ෂ්‍යයක් මත බලයක් ක්‍රියා කරන දිශාව, එම ලක්ෂ්‍යයේ සිට අඳින ලද සරල රේඛාවකින් දැක්විය හැකි ය. එයට බලයේ ක්‍රියා රේඛාව යැයි කියනු ලැබේ.
මෙතැන් සිට
බලය හා චලිතය පිළිබඳ ව අප අත්දකින දේ සර් අයිසැක් නිව්ටන් නම් විද්‍යාඥයා ගැඹුරු ලෙස අධ්‍යයනය කර නියම තුනක් ඉදිරිපත් කර ඇත. ඊළඟ කොටස් තුනේ දී ඒ එකින් එක විමසා බලමු.