විද්‍යුත් - විච්ඡේදන කෝෂය
විද්‍යුත් විච්ඡේද්‍යයක් තුළින් විද්‍යුතය සන්නයනය කරවීමට සකස් කරන ලද ඇටවුමක් 12.2.2 රූපයේ දක්වේ. මෙවැනි ඇටවුමක් විද්‍යුත් - විච්ඡේදන කෝෂයක් ලෙස හැඳින්වේ.
රූපයක් එක් කළ යුතුය
විද්‍යුත් - විච්ඡේදන කෝෂයක කොටස්
- විද්‍යුතය සපයන ප්‍රභවයක්
- විද්‍යුත් - විච්ඡේද්‍යයක්
- ඉලෙක්ට්‍රෝඩ දෙකක් හා සම්බන්ධක කම්බි
විද්‍යුත් - විච්ඡේදන කෝෂයක විද්‍යුත් විච්ඡේද්‍යය ලෙස ජලීය සෝඩියම් ක්ලෝරයිඩ් ද්‍රාවණයක් යොදා විද්‍යුතය සැපයීම සලකා බලමු. මෙහි දී කාබන් ඉලෙක්ට්‍රෝඩ අසලින් වායු බුබුළු පිට වනු පෙනේ. ඒ අනුව ජලීය ද්‍රාවණය රසායනික විපර්යාසයකට භාජන වී ඇත. මේ ආකාරයට විද්‍යුතය සැපයීමෙන් සාමාන්‍යයෙන් ඉබේ සිදු නොවන (ස්වයංසිද්ධ නොවන) රසායනික ප්‍රතික්‍රියාවක් විද්‍යුත් - විච්ඡේදනය මගින් සිදුකළ හැකි ය.
කාබන් හෝ ප්ලැටිනම් ඇයි
12.1 හි කෝෂවල ඉලෙක්ට්‍රෝඩ ම ප්‍රතික්‍රියා කළේ ය: සින්ක් දිය විය. විද්‍යුත් - විච්ඡේදනයේ දී අපට සාමාන්‍යයෙන් දැකීමට අවශ්‍ය වන්නේ ඉලෙක්ට්‍රෝඩවලට නොව විද්‍යුත් විච්ඡේද්‍යයට සිදු වන දේ ය. එබැවින් ඒවා ප්‍රතික්‍රියා නොකරන දෙයකින් — කාබන් (මිනිරන්) හෝ ප්ලැටිනම් — සාදනු ලැබේ. එවැනි ඉලෙක්ට්‍රෝඩ අක්‍රිය ඉලෙක්ට්‍රෝඩ ලෙස හැඳින්වේ. ඒවා ඉලෙක්ට්‍රෝන ඇතුළට හා පිටතට ගෙන යන අතර වෙනත් කිසිදු කාර්යයක් නොකරයි. ඒ වෙනුවට සක්‍රිය ලෝහයක් ඉලෙක්ට්‍රෝඩයක් ලෙස යොදා ගත් විට එය ද ප්‍රතික්‍රියාවට එක් විය හැකි අතර පරිච්ඡේදයේ පසුව විද්‍යුත් ලෝහාලේපනයේ දී යොදා ගන්නේ එයයි.
කෝෂ වර්ග දෙකක්, වෙනස් ඇටවුම් දෙකක්
විද්‍යුත් - රසායනික කෝෂයක බැටරියක් නැත — එය ම බැටරියයි. විද්‍යුත් - විච්ඡේදන කෝෂයක සෑම විට ම බාහිර විද්‍යුත් ප්‍රභවයක් ඇත. රූප සටහනක ඉලෙක්ට්‍රෝඩවලට සම්බන්ධ කළ බැටරියක් පෙන්වයි නම් එය විද්‍යුත් - විච්ඡේදනයයි.
ප්‍රභවය, විද්‍යුත් විච්ඡේද්‍යය, ඉලෙක්ට්‍රෝඩ දෙක
විද්‍යුත් - විච්ඡේදන කෝෂයක් යනු විද්‍යුත් ප්‍රභවයක්, විද්‍යුත් විච්ඡේද්‍යයක් හා කම්බිවලින් සම්බන්ධ කළ ඉලෙක්ට්‍රෝඩ දෙකකි. එය ඉබේ සිදු නොවන ප්‍රතික්‍රියා සිදු කරයි.