බල ශක්ති අර්බුදය
සම්පත් සංරක්ෂණය, වියදම අවම කර ගැනීම යන අරමුණු ඇති ව පාරිභෝගිකයාට ඔවුන්ගේ අවශ්‍යතා සඳහා තිරසාර ලෙස ශක්තිය භාවිතයට අවස්ථාව සලසමින් ශක්ති නිෂ්පාදනය සහ ශක්ති පරිභෝජනය, සැලසුම් කිරීම හා මෙහෙයවීම ශක්ති කළමනාකරණය ලෙස හැඳින්වේ.
බල ශක්ති අර්බුදය
අර්ථිකමය වශයෙන් වැදගත් වන ශක්ති සම්පත්වල මිල විශාල ලෙස ඉහළ යාම ශක්ති අර්බුදය ලෙස හැඳින්වේ. ඛනිජ තෙල් අර්බුදය, විදුලි අර්බුදය, ශක්ති සම්පත් හිඟය ලෙස කියවෙන්නේ ද ශක්ති අර්බුදය යි. සීමිත ස්වාභාවික ශක්ති සම්පත් කෙරෙහි ඇති අධික ඉල්ලුමට සරිලන සැපයුමක් නැති වීම හේතුවෙන් බල ශක්ති අර්බුදය නිර්මාණය වී ඇත.
බල ශක්ති අර්බුදයට හේතු: ජනගහනය ශීඝ්‍ර ලෙස වර්ධනය වීම, කර්මාන්ත විශාල ලෙස බිහි වීම, ශක්තිය අධි භාවිතය, ශක්තිය අපතේ යාම, පුනර්ජනනීය ශක්ති සම්පත් ගවේෂණය නොකිරීම, යුධ කටයුතු, දේශපාලනික ගැටලු.
එසේම පවතින බල ශක්තිය කළමනාකරණය කිරීමේ දී විවිධ තාක්ෂණික ගැටලු මතු වේ. ඇතැම් ශක්ති සම්පත් ලබා ගැනීමේ තාක්ෂණය, ඇතැම් ශක්ති සම්පත් සංශුද්ධ කර ගැනීමේ ක්‍රමවේදය එවැනි ගැටලු කිහිපයකි.
පැවරුම 15.11
අවම නාස්තියක් සහිතව ප්‍රශස්ත මට්ටමකින් බල ශක්තිය භාවිත කිරීම සඳහා නිවසේ දී ඔබ විසින් අනුගමනය කරන ක්‍රියාවලි ලැයිස්තුගත කරන්න.
නිදසුන්: හිස් කාමරවල විදුලි පහන් හා පංකා නිවා දැමීම; LED බල්බ භාවිතය; චාජර් ගලවා තැබීම; එකවර ඇඳුම් සියල්ල මැදීම; සිසිල් විට පංකාව වෙනුවට ජනෙල් විවෘත කිරීම; ඇඳුම් වියළීමට හිරු එළිය භාවිතය.
අර්බුදයක් ශ්‍රී ලංකාව වැනි රටකට දැඩි ලෙස බලපාන්නේ ඇයි
ශ්‍රී ලංකාවට තමන්ගේ ම තෙල් හෝ ගල් අඟුරු නැති බැවින් සෑම පෙට්‍රල් ලීටරයක් ම හා ගල් අඟුරු ටොන් එකක් ම ආනයනය කර විදේශ මුදලින් ගෙවනු ලැබේ. දුර බැහැර යුද්ධයක් හෝ දේශපාලනයක් නිසා ලෝක මිල ඉහළ යන විට මෙහි ඉන්ධන පෝලිම්, විදුලි කප්පාදු හා මිල ඉහළ යාම සිදු වේ. අඩුවෙන් ශක්තිය භාවිතය, අඩුවෙන් නාස්ති කිරීම හා රටේ ම පුනර්ජනනීය ප්‍රභව — හිරු, සුළඟ, ජලය හා ජෛව ස්කන්ධය — සංවර්ධනය කිරීම රට එවැනි කම්පනවලට අඩුවෙන් නිරාවරණය කරයි.
ඉල්ලුම සැපයුම ඉක්මවයි
ශක්ති අර්බුදයක් යනු ඉල්ලුම සැපයුම ඉක්මවන විට ශක්ති මිල තියුණු ලෙස ඉහළ යාමයි; ශක්ති කළමනාකරණය නිෂ්පාදනය හා භාවිතය තිරසාර ලෙස සැලසුම් කරයි.