දෘශ්‍ය ගැඹුර
ජල බඳුනක පත්ලේ තිබෙන කාසියක් දෙස වාතයේ සිට බලන්න. එවිට කාසිය පෙනෙන්නේ තරමක් ඉහළින් තිබෙන්නාක් මෙනි.
කාසියේ සිට ඇස වෙත කෙළින්ම ආලෝක කිරණ එන්නේ නැත. ආලෝක කිරණ ජලයේ සිට පැමිණෙන අතර ඇස වෙත එන්නේ ජල පෘෂ්ඨයේ දී අභිලම්බයෙන් ඉවතට නැමී ය. ඒ නිසා කාසියේ සිට ඇස වෙත එන ආලෝක කිරණ පෙනෙන්නේ කාසියේ සත්‍ය පිහිටීමට වඩා මඳක් ඉහළ සිට එන්නාක් මෙනි: එහි දෘශ්‍ය ගැඹුර සත්‍ය ගැඹුරට වඩා අඩු ය.
පොතක පිටුවක් මත වීදුරු කුට්ටියක් තබා වීදුරු කුට්ටිය තුළින් අකුරු දෙස බැලූ විට අකුරු එසවී තිබෙන්නාක් මෙන් පෙනෙන්නේ ද, වර්තනය නිසා ය.
පෙනෙන තරමට වඩා ගැඹුරු ය
පොකුණක් හෝ දොළක් ඉවුරේ සිට පෙනෙන තරමට වඩා සැම විට ම ගැඹුරු ය. ජලයට බැසීම ආරක්ෂිත දැයි පෙනෙන ගැඹුර අනුව කිසි විටෙක තීරණය නොකරන්න.