තෙල් ලබා ගැනීම
3.3 කොටසේ ශිල්පක්‍රම තුනක් සගන්ධ තෙල් නිස්සාරණයට භාවිත වන අතර, ඉන් කුමක් තෝරා ගන්නේ ද යන්න රඳා පවතින්නේ ශාක ද්‍රව්‍යය මත ය.
හුමාල ආසවනය
සගන්ධ තෙල් නිස්සාරණය සඳහා හුමාල ආසවනය හා ද්‍රාවක නිස්සාරණය වැනි වෙන් කිරීමේ ක්‍රමශිල්ප භාවිත වේ. කුරුඳු කොළවලින් තෙල් ලබාගන්නේ එම කොළ අතරින් හුමාලය යැවීමෙනි.
රූපයක් එක් කළ යුතුය
මෙහි දී හුමාල ජනකයෙන් පිටවන හුමාලය රත් වූ ශාක කොටස් මතින් ගමන් කරයි. සගන්ධ තෙල් ජලවාෂ්ප සමඟ මිශ්‍ර ව 100 °C ට අඩු උෂ්ණත්වයක දී වාෂ්ප වේ. එම වාෂ්ප මිශ්‍රණය සනීභවනය කිරීමෙන් සගන්ධ තෙල් හා ජලය ලැබේ. ඒවා මිශ්‍ර නොවන බැවින් වෙන් වෙන් ව ලබා ගත හැකි ය.
ද්‍රාවක නිස්සාරණය
ද්‍රාවක මගින් නිස්සාරණය කිරීම සගන්ධ තෙල් නිස්සාරණයේ තවත් ක්‍රමයකි. මේ ක්‍රමයේ දී ඊතර්, ක්ලෝරෝෆෝම්, ටොලුඊන් වැනි කාබනික ද්‍රාවක භාවිත කෙරේ. ශාක කොටස් ද්‍රාවකය සමඟ මිශ්‍ර කර සෙලවූ විට සගන්ධ තෙල් ද්‍රාවකය තුළ ද්‍රවණය වේ. ද්‍රාවණය වාෂ්ප කර හැරීමෙන් සගන්ධ තෙල් වෙන් කර ගැනේ.
තෙරපීම
ඇතැම් ශාක කොටස් සුදුසු පීඩනයක් යටතේ තෙරපීමෙන් ද ඒවායේ අඩංගු වාෂ්පශීලී තෙල් ලබා ගත හැකි ය.
හුමාල ආසවනය, ද්‍රාවක නිස්සාරණය හා තෙරපීම යන තුන ම එක ම වර්ගයේ සංයෝගයක් ලබා ගනී. ක්‍රමය තෝරා ගන්නේ ශාක ද්‍රව්‍යය කුමක් දරා ගනී ද, සහ ලබා ගත හැකි තෙල් ප්‍රමාණය කොපමණ ද යන්න විමසමිනි.