තත්, සමාඝාත හා ශුෂිර භාණ්ඩ
කම්පනය වන කොටස අනුව සංගීත භාණ්ඩ ප්‍රධාන වශයෙන් තුන් වර්ගයකි.
තත් භාණ්ඩ (String instruments)
වයලීනය, සිතාරය, ගිටාරය, බැන්ජෝව, සෙලෝව වැනි ඇදි තත් කම්පනය වීමෙන් හඬ උපදවන භාණ්ඩ තත් භාණ්ඩ (තන්තුමය භාණ්ඩ) ලෙස හැඳින්වේ.
සමාඝාත භාණ්ඩ (Percussion instruments)
ඇදී ඇති පටල, දඬු හෝ තහඩු කම්පනය වීමෙන් හඬ උපදවයි. තබ්ලාව, බෙර, ඩොලැක්කය, රබාන, දවුල, උඩැක්කිය, තම්මැට්ටම කම්පනය වන පටල සහිත භාණ්ඩ ය. සයිලොෆෝනය කම්පනය වන දඬු සහිත භාණ්ඩයකි. තාලම්පට, සීනුව කම්පනය වන තහඩු සහිත භාණ්ඩ වේ.
ශුෂිර භාණ්ඩ (Wind instruments)
හොරණෑව, බටනලාව, හක්ගෙඩිය, සැක්සෆෝනය, ට්‍රම්පට්, ක්ලැරිනට් වැනි වායු කඳන් කම්පනය වීමෙන් හඬ උපදවන භාණ්ඩ ශුෂිර භාණ්ඩ නම් වේ.
රූපයක් එක් කළ යුතුය
තාරතාව තීරණය කරන්නේ කුමක් ද
| වර්ගය | සංඛ්‍යාතය රඳා පවතින්නේ |
|---|---|
| තත් | කම්පනය වන තත් කොටසේ දිග; තත ඇදී ඇති තරම හෙවත් තතෙහි ආතතිය; තතෙහි ඒකීය දිගක ස්කන්ධය |
| සමාඝාත | පටලයේ වර්ගඵලය; පටලයේ ආතතිය |
| ශුෂිර | වායු කඳේ දිග |
කෙටි හෝ තද වන විට ඉහළ යයි
4.4 ක්‍රියාකාරකමේ කියත් තලය මෙන් ම: කෙටි තතක්, තද කළ තතක් හෝ කෙටි වායු කඳක් වැඩි සංඛ්‍යාතයකින් කම්පනය වන නිසා ඉහළ තාරතාවක් ලබා දෙයි.